ექვსი ქართული ტელეარხი შესაძლოა მცირე და საშუალო საკაბელო ოპერატორების პაკეტიდან გაქრეს. რამდენიმეთვიანი მოლაპარაკება ჩიხშია შესული.

კომპანია GMR-ი, რომელსაც რუსთავი 2-ს, იმედის, მაესტროს, GDS-ს, მარაოს და კომედი-არხის კომერციული დისტრიბუციის ექსკლუზიური უფლება აქვს, საკაბელო არხებისგან სიგნალის გავრცელების სანაცვლოდ თანხას ითხოვს. აბონენტებისთვის მომსახურების გაძვირების არგუმენტით მოთხოვნა საკაბელო ტელევიზიების კავშირისთვის კატეგორიულად მიუღებელია.

მხარეებს შორის უთანხმოება იმდენად გამწვავდა, რომ დღეს 40-მდე საკაბელო ოპერატორმა ექვსივე ტელეკომპანიის სიგნალი დროებით გათიშა.

გამაფრთხილებელ საპროტესტო აქციას აბონენტების ნაწილის უკმაყოფილება მოჰყვა.

მხარეებს შეთანხმების მისაღწევად ვადა დეკემბრამდე აქვთ.