აუდიტის სამსახური ახალგაზრდა ფინანსისტთა და ბიზნესმენთა ასოციაციას პასუხობს. საქმე ოზურგეთის გამგეობის შესახებ აუდიტის სამსახურის მიერ გამოქვეყნებულ დადებით დასკვნას ეხება, რომელიც აფბას ვიცე-პრეზიდენტის განმარტებით ფაქტებთან შეუსაბამოა.

გიორგი კაპანაძის თქმით, 2012-2013 წლების საფინანსო-ეკონომიკური საქმიანობის აუდიტის ანგარში, რომელიც 2014 წლის დეკემბრით თარიღდება დასკვნები ახლოს უნდა იყოს ანგარიშების შინაარსთან.

ახალგაზრდა ფინანსისტთა და ბიზნესმენთა ასოციაციას აუდიტის სამსახურმა წერილობით უპასუხა. განცხადებაში ნათქვამია, რომ ოზურგეთის მუნიციპალიტეტის 2012-2013 წლების საფინანსო-ეკონომიკური საქმიანობის აუდიტის შედეგად გაიცა პირობითი დასკვნა, სადაც აღნიშნულია, რომ გარდა პირობითი მოსაზრების საფუძვლებში აღწერილი საკითხებისა, სხვა მნიშვნელოვან დარღვევებს ადგილი არ ქონია და მუნიციპალიტეტის მიერ 2012-2013 წლებში გაწეული საქმიანობა შეესაბამება მოქმედ კანონმდებლობას.