პარლამენტის თავმჯდომარის ირაკლი კობახიძის განცხადებით, პრეზიდენტ გიორგი მარგველაშვილს საკონსტიტუციო ცვლილებებზე ხელმოსაწერად ერთკვირიანი ვადა აქვს. პირველი არხის კითხვის საპასუხოდ, კობახიძემ აღნიშნა, რომ ტექნიკური საკითხია, დოკუმენტს ხელს ვინ მოაწერს.
„იმას არსებითი მნიშვნელობა არ აქვს, თუ ვინ მოაწერს ხელს საკონსტიტუციო ცვლილებებს. მთავარია, რომ ცვლილებები ძალაში მას შემდეგ შევა, რაც რამდენიმე თვე გავა და ფორმალური პროცედურა დასრულდება“, - განაცხადა კობახიძემ.
პარლამენტმა კონსტიტუციურ პროექტზე პრეზიდენტის ვეტო 13 ოქტომბერს დაძლია და დოკუმენტი ხელმოსაწერად პრეზიდენტს გადაუგზავნა. იმ შემთხვევაში, თუ პრეზიდენტი კონსტიტუციურ პროექტს ხელს არ მოაწერს, მისი ხელმოწერის უფლებამოსილება პარლამენტის თავმჯდომარეს აქვს.