გერმანიის საგარეო საქმეთა მინისტრი ზიგმარ გაბრიელი დარწმუნებულია, რომ ქურთისტანის დამოუკიდებლობის რეფერენდუმის შემდეგ, ერაყის მთავრობის მხრიდან დაწყებული სამხედრო მოქმედებები რეგიონში ვითარებას კიდევ უფრო გაართულებს.

„მე ღრმად ვარ დარწმუნებულია, რომ მიმდინარე კრიზისის ფარგლებში ქურთებსა და ოფიციალურ ბაღდადს შორის არსებული დაპირისპირების ფონზე სამხედრო ჩარევა გამოსავალი არ არის, არამედ ვითარება კიდევ უფრო გართულდება“, - განაცხადა ზიგმარ გაბრიელმა ბერლინში გამართულ პრესკონფერენციაზე.

გერმანიის პირველმა დიპლომატმა ოფიციალურ ბაღდადს მოუწოდა, ქურთებთან პირდაპირი დიალოგი აწარმოონ, წინააღმდეგ შემთხვევაში, მორიგი კონფლიქტის ესკალაცია ახლო აღმოსავლეთში გარდაუვალი იქნება.

ერაყის ქურთისტანში დამოუკიდებლობის შესახებ რეფერენდუმი 25 სექტემბერს ჩატარდა, სადაც 80%-იანი აქტივობა დაფიქსირდა. 2 მილიონ 862 ათასი ამომრჩევლიდან დამოუკიდებლობას მხარი 92,70%-მა დაუჭირა. ზემოთ ხსენებული რეფერენდუმი არაკონსტიტუციურად ცნო ერაყის პარლამენტმა.