ბირთვული შეთანხმებიდან აშშ-ის გასვლის შემთხვევაში, ირანი მრავალეროვნულ ყოვლისმომცველ სამოქმედო გეგმას გაანადგურებს - ამის შესახებ ირანის სულიერმა ლიდერმა აიათოლა ჰომეინიმ განაცხადა. მან ევროპისა და ირანის ურთიერთობებზეც ისაუბრა და აღნიშნა, რომ რეგიონული პოლიტიკისა და სარაკეტო პროგრამასთან დაკავშირებით თეირანი ევროპული ქვეყნების ზეწოლას არ შეეგუება. ე.წ. საერთაშორისო ექვსეულსა და ირანს შორის დადებულ ბირთვულ შეთანხმებას მკაცრად აკრიტიკებს აშშ-ის პრეზიდენტი დონალდ ტრამპი და მისი გაუქმების შესაძლებლობასაც არ გამორიცხავს. ბირთვულ შეთანხმებას მხარს უჭერენ ხელშეკრულების დანარჩენი ხელმომწერები და ამბობენ, რომ ერთ სახელმწიფოს შეთანხმების ცალმხრივად გაუქმება არ შეუძლია.