შენგენის ზონის ქვეყნებში უვიზოდ მოგზაურობის წესი, შესაძლოა, გამკაცრდეს. ტერორიზმის წინააღმდეგ საბრძოლველად და საზღვრების უკეთ დასაცავად ევროპარლამენტს, ევროკომისიას და ევროპულ საბჭოს შორის მოლაპარაკებები იწყება.
მოსალოდნელი ცვლილება შეეხება ყველა ქვეყანას, რომლის მოქალაქეები ევროკავშირთან უვიზო მიმოსვლის უფლებით სარგებლობენ. მათ შორისაა საქართველოც, რომელსაც ეს უფლება მარტიდან აქვს მოპოვებული. საუბარია დამატებითი რეგულაციის დაწესებაზე ე.წ. მოგზაურობის ნებართვაზე, რომელსაც ევროპაში წასვლის მსურველი 72 საათში მიიღებს მას შემდეგ, რაც მის მიერ შევსებული ელექტრონული აპლიკაცია ევროპოლის, ინტერპოლის და შენგენის საინფორმაციო ცენტრის მიერ შემოწმდება.
ევროპარლამენტში განმარტავენ, რომ ევროკავშირის წევრი ქვეყნების ინიციატივა ტერორიზმის გაზრდილ საფრთხეებს უკავშირდება და რომელიმე ერთი ქვეყნის წინააღმდეგ მიმართული არ არის.