ორთვიანი საარჩევნო მარათონი დასასრულს უახლოვდება. შაბათს მოსახლეობა ქვეყნის 64 საკრებულოს 2 085 დეპუტატს და 64 მერს აირჩევს.

21 ოქტომბერს ხმის მიცემის პროცესს 30 საერთაშორისო და 71 ადგილობრივი ორგანიზაცია დააკვირდება.

თვითმმართველობის არჩევნებამდე ორი დღით ადრე პოლიტიკური სუბიექტები და დიპლომატები წინასაარჩევნო გარემოს აჯამებენ. ელჩების შეფასებები, ძირითადად, პოზიტიურია. დიპლომატები და საერთაშორისო სადამკვირვებლო მისიები დღეს კიდევ ერთხელ შეხვდნენ მმართველი გუნდის ლიდერებს, რომლებიც სამართლიანი და თავისუფალი არჩევნების უზრუნველყოფის პირობას დებენ.

სახელმწიფო უწყებების მისამართით მიმართვას ავრცელებს პრემიერიც.