დედაქალაქის მერობის ყველა კვალიფიციური და დამოუკიდებელი კანდიდატი საზოგადოების მთავარ პრობლემურ საკითხებზე.
დღეს, საღამოს 9 საათზე პირველ არხზე, პირველი არხის მასშტაბური საარჩევნო პროექტი თვითმმართველობა 2017 მაყურებელს თბილისის მერობის კანდიდატების დებატებს სთავაზობს.
როგორ პასუხობენ მერობის კანდიდატები მოქალაქეების შეკითხვებს. როგორია მათი პროგრამების მთავარი მიმართულებები. დღევანდელი მე-15 პირდაპირი ეთერით, თვითმმართველობა 2017 საარჩევნო გადაცემების ციკლს ასრულებს.
პირველი არხის მასშტაბურმა პროექტმა მაყურებელს უკვე შესთავაზა 11 გადაცემა რეგიონებიდან. დედაქალაქის მერობის კანდიდატების დებატები, რომელიც დღეს, 9 საათზე დაიწყება, თბილისის მერიასა და საკრებულოში მოხვედრის მსურველი პოლიტიკური სუბიექტებისთვის გათვალისწინებული რიგით მეოთხე გადაცემა იქნება.