თბილისის 67-ე საჯარო სკოლაში არსებულ მდგომარეობას სოციალური მომსახურების სააგენტოს წარმომადგენლები შეისწავლიან.
ამის შესახებ 67-ე სკოლაში სააგენტოს წარმომადგენელმა თეა ელიზარაშვილმა განუცხადა.
მისი თქმით, სკოლაში მას შემდეგ მივიდა, რაც ცხელ ხაზზე შეტყობინება შევიდა.
თეა ელიზარაშვლი აცხადებს, რომ მათი სამსახური შეისწავლის ჰქონდა თუ არა მოსწავლეებზე ძალადობას ადგილი.
თბილისის 67-ე საჯარო სკოლის მოსწავლეები ქიმიის პედაგოგ დოდო კეზუას მხარდამჭერ აქციას მართავენ. კეზუას მხარდამჭერ აქციაზე იმყოფებოდნენ 67-ე სკოლის ყოფილი მოსწავლეების მშობლებიც, რომელთაც ქიმიის პედაგოგი დადებითად დაახასიათეს.
საპირისპიროს აცხადებს სკოლის სამეურვეო საბჭოს წევრი ერთ-ერთი მშობელი.
მისი თქმით, კეზუას წინააღმდეგ სადისციპლინო საბჭოში შეტანილია რამდენიმე სარჩელი ბავშვების ცემასა და შეურაცხყოფასთან დაკავშირებით, საიდანაც ერთ-ერთი ეთნიკური უმცირესობის წარმომადგენლის მიერაა შეტანილი.