ევროკავშირი კატალონიასა და მადრიდს შორის ე.წ. დამოუკიდებლობის რეფერენდუმის შესახებ მოლაპარაკების პროცესში არ ჩაერევა, - ეს განცხადება ევროპული საბჭოს პრეზიდენტმა, დონალდ ტუსკმა გააკეთა.
„არ დაგიმალავთ, რომ ესპანეთში არსებული მდგომარეობა შემაშფოთებელია, მაგრამ ორგანიზაციის წევრმა სახელმწიფოებმა ნათლად დააფიქსირეს საკუთარი პოზიცია, რომ არ არსებობს არანაირი სივრცე შუამავლობისთვის“, - განაცხადა დონალდ ტუსკმა.
ევროპული საბჭოს პრეზიდენტის თქმით, კატალონიაში ე.წ. დამოუკიდებლობის შესახებ ჩატარებული რეფერენდუმის საკითხი ევროკავშირის სამიტის დღის წესრიგში არ დგას.
ე.წ. დამოუკიდებლობის შესახებ რეფერენდუმი კატალონიაში ოქტომბერს ჩატარდა. საარჩევნო ყუთებთან მისული მოსახლეობის უმრავლესობამ მხარი რეგიონის დამოუკიდებლობას დაუჭირა. ოფიციალური მადრიდი რეფერენდუმის შედეგებს არ აღიარებს და მას არაკონსტიტუციურად მიიჩნევს.