ფინეთის საგარეო საქმეთა მინისტრი რუსეთის მუქარის მიუხედავად, ჩრდილო-ატლანტიკურ ალიანსში ფინეთის ინტეგრაციას არ გამორიცხავს. საგარეო პოლიტიკის პრიორიტეტებზე და მიზნებზე ფინეთის პირველმა დიპლომატმა ტიმო სოინიმ რუსულ პრესასთან ინტერვიუში ისაუბრა. ფინეთის საგარეო საქმეთა მინისტრი მიიჩნევს, რომ რუსეთის მხრიდან მომდინარე საფრთხე ფინეთის მიზნებს ვერ დააბრკოლებს.
„ჩვენ არ გვეშინია რუსეთის, მიუხედავად იმისა, რომ მათი აზრი ფინეთის ნატო-ში გაწევრიანებასთან დაკავშირებით ჩვენთვის ნათელია. მე არ ვლაპარაკომ მხოლოდ ჩემი პოზიციიდან, არამედ ეს არის ფინელი ხალხის განწყობა. ჩვენ ვართ ევროკავშირისა და ჩრდილოეთის ქვეყნების კავშირის წევრი, აქტიურად ვთანამშრომლობთ ნატო-სთან და შესაბამისად, სამომავლოდ არ გამოვრიცხავთ, რომ ჩრდილო-ატლანტიკური ალიანსის წევრი გავხდეთ“, - განაცხადა სოინიმ.
ფინეთის ნატო-ში გაწევრიანების საკითხი ოფიციალურმა ჰელსინკიმ დღის წესრიგში 2015 წელს დააყენა, რასაც რუსეთის მხრიდან, რომელთანაც ფინეთს 1300კმ.-იანი საზღვარი აქვს, მუქარა მოჰყვა.