ხვალ მოქალაქეებმა 64 ახალი მერი და 64 საკრებულოს 2 058 დეპუტატი უნდა აირჩიონ. ხვალინდელი არჩევნების შედეგები ასევე განსაზღვრავს, როგორი იქნება თბილისის თვითმმართველი ორგანოს ახალი შემადგენლობა. მანამდე კი ,,მოამბე” დაინტერესდა, რა შეასრულა 2014 წელს არჩეულმა დედაქალაქის საკრებულომ იმ ფუნქციებიდან, რომლებიც კანონმდებლობით აკისრია და რამდენად ძლიერია საკრებულოს მხრიდან ქალაქის მართვაზე კონტროლი. ექსპერტები თანხმდებიან, რომ, როცა მერი და თვითმმართველი ორგანოს უმრავლესობა მმართველ პარტიას წარმოადგენს, საკრებულოს, როგორც დედაქალაქის მთავრობის მაკონტროლებლის ფუნქცია, მკვეთრად სუსტდება.