ჩეხეთის ახალი პრემიერ-მინისტრი შესაძლოა, სისხლის სამართლის გამოძიების ფიგურანტი და სკანდალური განცხადებებით ცნობილი, მილიარდერი ანდრეი ბაბიში გახდეს. ჩეხეთში დღეს საპარლამენტო არჩევნები იმართება.

ხმის მიცემის პროცედურა ორდღიანია, ამიტომ შედეგები ხვალ გახდება ცნობილი. საარჩევნო რბოლის ლიდერი ყოფილი ფინანსთა მინისტრის, ჩეხეთის უმდიდრესი ადამიანი ანდრეი ბაბიშის მოძრაობაა.

ევროკავშირისადმი კრიტიკულად განწყობილი ანდრეი ბაბიში მოსახლეობას ჰპირდება, რომ ჩეხეთში ლტოლვილებს არ მიიღებს, გადასახადებს შეამცირებს და კორუმპირებულ მაღალჩინოსნებს შეცვლის, თუმცა ის თავად ფინანსურ მაქინაციებშია ბრალდებული.