შსს-ს პრესცენტრის ყოფილი თანამშრომელი გოჩა მუკბანიანი ადასტურებს, რომ ბუტა რობაქიძის მკვლელობის ადგილას გადაღებულ ვიდეოში თავადაც ჩანს.
როგორც პირველ არხს მუკბანიანმა პირად საუბარში დაუდასტურა, ვიდეოში სასწრაფოს ურეკავს და ატყობინებს, რომ დროულად მივიდეს ადგილზე, სადაც დაჭრილია და შეიარაღებულები არიან.
საუბარია სავარაუდოდ ვიდეოზე, რომელიც დღეს, შსს-ს ყოფილი ჟურნალისტის, გოჩა მუკბანიანის დაკითხვისას დახურულ პროცესი უნდა აჩვენონ.
გოჩა მუკბანიანმა ხაზგასმით აღნიშნა, რომ ამ ჩანაწერში შეიარაღებული პირების ხსენებისას, ხელმძღვანელების ოფიციალური ვერსიაზე ისაუბრა.
მისი თქმით, ვიდეოჩანაწერი, რომელიც ბრალდებულებს აქვთ, დამონტაჟებულია.
რაც შეეხება იარაღს, მუკბანიანის განცხადებით, ადგილზე უწყვეტ რეჟიმში ჰქონდა გადაღებული აყვანის ოპერაცია, სადაც არ ჩანდა, რომ ბუტა რობაქიძეს და მის მეგობრებს იარაღი ჰქონდათ. შემდეგ კი, როგორც მუკბანიანი ამბობს, ავტომობილში ჩასვეს და ოპერატორმა გადაიღო მასალა, სადაც უკვე იარაღი ჩანდა. ეს ინფორმაცია მოწმემ პროცესის დაწყებამდე, პირველი არხის ჟურნალისტს პირადი საუბრისას უთხრა. დაკითხვის დასრულების შემდეგ კი ის სატელევიზიო კომენტარის გაკეთებას აპირებს.