სოფელ ყიზილაჯლოში მომხარი ინციდენტი ჩრდილს აყენებს წინასაარჩევნო გარემოს - ასეთია გუშინ მარნეულში განვითარებულ მოვლენებთან დაკავშირებით არასამთავრობო ორგანიზაციების პოზიცია.

მესამე სექტორი სამართალდამცავ უწყებებს ფაქტის დროული და ეფექტური გამოძიებისკენ მოუწოდებს.

არასამთავრობო ორგანიზაციების წარმომადგენლები მიიჩნევენ, რომ წინასაარჩევნო პერიოდში ცეცხლსასროლი იარაღის გამოყენება და რამდენიმე ადამიანის დაჭრა შემაშფოთებელია.

გარდა ამისა, არასამთავრობო სექტორი მოუწოდებს ყველას, ვინც ამ თემასთან დაკავშირებით განცხადება აკეთებს, დაიცვან უდანაშაულობის პრეზუმცია და ეს ყველაფერი არ გამოიყენონ პოლიტიკური მოტივებისთვის.