“ერთობა ახალი საქართველოს” თბილისის მერობის კანდიდატი, გიორგი ვაშაძე ვაკეში, N4 საარჩევნო უბანზე ოჯახთან ერთად მივიდა.

ვაშაძემ ჟურნალისტებს განუცხადა, რომ წუხს დაბალი აქტივობის გამო.

მერობის კანდიდატი მოსახლეობას არჩევნებში მონაწილეობისკენ მოუწოდებს. გიორგი ვაშაძის ბიულეტენი დღეს საარჩევნო ყუთში მისმა ქალიშვილმა მოათავსა.

“მე მივეცი ხმა მომავალს, მივეცი ხმა განვითარებას, მივეცი ხმა წარმატებას, მივეცი ხმა არასტანდარტულ, ინოვაციურ მიდგომებს და რაც ყველაზე მთავარია, ვფიქრობ, რომ ძალიან კარგი განწყობა მაქვს. ვფიქრობ, ძალიან კარგი შედეგები გვექნება დღეს არჩევნებზე და არჩევანი არის წარსულსა და მომავალს შორის, ეს უნდა გვახსოვდეს ყველას", - აღნიშნა ვაშაძემ.