ცენტრალური საარჩევნო კომისიის ინფორმაციით, ადგილობრივი თვითმმართველობის არჩევნებზე, დილის 10.00 საათისთვის ამომრჩეველთა აქტივობამ 6% შეადგინა.

ცესკო-ს მონაცემებით, ეს მაჩვენებელი 231 736 ამომრჩეველია.

ამასთან, ამ დროისთვის ყველაზე მაღალი აქტივობაა ასპინძასა და მესტიაში; კერძოდ, ასპინძაში აქტივობამ 11.8% შეადგინა, მესტიაში - 12.4 პროცენტი.

საქართველოში თვითმმართველობის არჩევნები მიმდინარეობს. ოფიციალური მონაცემებით, ამომრჩეველთა ერთიან სიაში 3 440 123 ამომრჩეველია.