ცენტრალური საარჩევნო კომისიის ინფორმაციით, ყველა უბანი დროულად გახსნა, ხმის მიცემის პროცედურა მშვიდ ვითარებაში მიმდინარეობს.

როგორც ცესკოში აცხადებენ, შეფერხებები ამ დროისთვის არ დაფიქსირებულა.

მათვე ინფორმაციით, ამომრჩეველი დღეს სამი სახის ბიულეტენს მიიღებს. ცისფერი ბიულეტენი განკუთვნილია პროპორციული არჩევნებისთვის პარტიის ან საარჩევნო ბლოკის ასარჩევად. მეორე - ვარდისფერი ბიულეტენი - საკრებულოს მაჟორიტარი წევრის ასარჩევად, მესამე- ღია მწვანე - თვითმმართველი ქალაქის ან თვითმმართველი თემის მერის ასარჩევად.

"20:00 საათზე, როგორც კი საარჩევნო უბნები დაიხურება, დაიწყება ხმების დათვლის პროცედურები. მას შემდეგ რაც საოლქო საარჩევნო კომისიები შემაჯამებელ ოქმებს მიიღებენ, ოქმები გამოიგზავნება აქ და აიტვირთება ცენტრალური საარჩევნო კომისიის ვებ-გვერდზე. მოქალაქეებს და დაინტერესებულ მხარეებს შეუძლიათ მოგვმართონ, მოგვაწოდონ ნებისმიერი სახის ინფორმაცია. ამასთან საარჩევნო ადმინისტრაცია კიდევ ერთხელ მოუწოდებს, ამომრჩევლებს მიიღონ მონაწილეობა არჩევნებში, ასევე მოვუწოდებთ საარჩევნო პროცესში ჩართულ ყველა მხარეს, ხელი შეუწყონ არჩვნების მშვიდ და თავისუფალ ვითარებაში ჩატარებას", - განცხადა პირველ საინფორმაციო ბრიფინზე ცესკო-ს პრესსპიკერმა ანა მიქელაძემ.

რაც შეხება არჩვენების, პირველად შედეგებს, ცენტრალური საარჩევნო კომისია ხმების დათვლას საღამოს 20:00 საათიდან, საარჩევნო უბნების დახურივისთანავე დაიწყებს.