დედაქალაქის მერობისთვის, ცენტრალური საარჩევნო კომისიის მონაცემებით, 13 კანდიდატი იბრძვის. მათგან 12 პოლიტიკური სუბიექტების მიერ დასახელებული, ერთი კი დამოუკიდებელი კანდიდატია.

საქართველოს ყველაზე დიდი თვითმმართველი ქალაქის მერობისთვის ერთმანეთს უპირისპირდებიან:

2 - ელენე ხოშტარია (საარჩევნო ბლოკი „ბაქრაძე, უგულავა-ევროპული საქართველო” )

3 - კახა კუკავა (საარჩევნო ბლოკი „დიმიტრი ლორთქიფანიძე, კახაკუკავა-დემოკრატიული მოძრაობა-თავისუფალი საქართველო”)

5 – ზაალ უდუმაშვილი (საარჩევნო ბლოკი „ერთიანი ნაციონალური მოძრაობა”)

8 – ირმა ინაშვილი ( „დავით თარხან-მოურავი, ირმა ინაშვილი - საქართველოს პატრიოტთა ალიანსი”)

10 – გიორგი გუგავა („შალვა ნათელაშვილი - საქართველოს ლეიბორისტული პარტია”)

11- დავით შუკაკიძე („ეროვნულ-დემოკრატიული მოძრაობა” )

17 - გიორგი ლილუაშვილი ( „საქართველო”)

18 - ნიკოლოზ სანებლიძე („ტრადიციონალისტები”)

20 - თენგიზ შერგელაშვილი („შენების მოძრაობა” )

27- გიორგი ვაშაძე (საარჩევნო ბლოკი „გიორგი ვაშაძე - ერთობა ახალი საქართველო” )

39 - ლაშა სტურუა („პროგრესულ-დემოკრატიული მოძრაობა” )

41- კახა კალაძე („ქართული ოცნება-დემოკრატიული საქართველო” )

42 - ალექსანდრე ელისაშვილი (საინიციატივო ჯგუფი)

ოფიციალური მონაცემებით, 2017 წლის თვითმმართველობის არჩევნებისთვის ერთიან სიაში რეგისტრირებული 3 440 123 ადამიანიდან, მხოლოდ თბილისში 943 423 ამომრჩეველია.

პირველ ტურში გამარჯვებისთვის მერობის კანდიდატებს 50 პროცენტიანი ბარიერის გადალახვა მოუწვეთ.

საქართველოში თვითმმართველობის არჩევნები მიმდინარეობს. მთელი ქვეყნის მასშტაბით, 3634 საარჩევნო და 10 გამონაკლის შემთხვევაში შექმნილი უბანია გახსნილი.