საპარლამენტო ფრაქცია "ქართული ოცნების" თავმჯდომარემ მამუკა მდინარაძემ ოპოზიციური პარტიების მომხრეთა მხრიდან დარღვევებზე ისაუბრა.
როგორც მამუკა მდინარაძემ აღნიშნა, დილით დაფიქსირდა, რომ ოპოზიციის ჯგუფები წარმომადგენლები საარჩევნო უბნებზე მედიასაშუალებების ყალბი აკრედიტაციით იყვნენ მისულები და ხელს უშლიდნენ საარჩევნო პროცესს.
"მაგალითად თელავში ტელეკომპანია "რუსთავი 2"- ის წარმომადგენლებმა "ქართული ოცნების" წარმომადგენელს ავტომობილიდან უნებართვოდ ააცალა მისი კუთვნილი დოკუმენტები და შეეცადა ამით მოეხდინა ამომრჩეველზე უკანონო ზეგავლენა. მოუწოდებთ ნებისმიერ ოპოზიციურ პარტიას, ასევე ნებისმიერ ოპოზიციურ მედიასაშუალებას ჩაეტიონ კანონის ჩარჩოებში, წინააღმდეგ შემთხვევაში უფლებას ვიტოვებთ, ნებისმიერი ასეთი ფაქტის გამოვლენის შემთხვევაში მოვითხოვოთ მათ მიმართ კანონით დადგენილი მკაცრი ზომები გატარება. მე შემიძლია, წარმოგიდგინოთ დოკუმენტები. მსგავსი ფაქტები გამოვლენილია, ყველას ვთხოვ, მათ შორის ჩვენს ოპონენტებს, ნუ მოახდენენ სიტუაციის დრამატიზებას, რასაც ისინი მთელი დღის განმავლობაში აკეთებენ. ყველა წინასწარი მონაცემით დასტურდება, რომ საქმე გვაქვს სერიოზულ დარღვევასთან. თავს შევიკავებ, რომ დანაშაული უწოდო, თუმცა იკვეთება სიახლის სამართლის დანაშაულის ნიშნები, ამას სჭირდება შემდგომი დადასტურება, თუმცა ყველა მტკიცებულება მიუთითებს იმაზე , რომ კონკრეტული ადამიანი მოქმედებდა გაყალბებული ბეიჯით", - განაცხადა მამუკა მდინარაძემ.
მდინარაძე მოუწოდებს ამომრჩევლებს, რომ მივიდნენ საარჩევნო უბნებზე და დააფიქსირონ თავისი პოზიცია, რათა თბილისი იყოს თბილისი იყოს სიცოცხლით სავსე ქალაქი.