ის რაც ვიხილეთ, მიგვაჩნია, რომ არის მძიმე და ცუდი ქართული დემოკრატიისთვის, - ასე აფასებს თვითმმართველობის არჩევნების პროცესსა და შედეგს "ევროპული საქართველოს" ერთ-ერთი ლიდერი დავით ბაქრაძე. მისი თქმით, მმართველმა ძალამ ადმინისტრაციული რესურსის გამოყენებითა და შანტაჟით მოახერხა გამარჯვება.

როგორც ბაქრაძემ აღნიშნა, საჭიროა ოპოზიცური ძალების ძალისხმევის გაძლიერება, რათა უფრო მეტი მოქალაქე მივიდეს არჩევნებზე და დააფიქსიროს საკუთარი არჩევანი.

"ევროპული საქართველო" არჩევნების შედეგებით კმაყოფილი არ არის. ბაქრაძის თქმით, ახლადშექმნილი პარტია გააგრძელებს მუშაობას რათა საპარლამენტო არჩევნებში გაიმარჯვოს.

,,მძიმე პოლიტიკური შეფასებიდან გამომდინარე, რა თქმა უნდა ჩვენ არ ვართ კმაყოფილი ამ არჩევნებით, მიუხედავად იმისა, რომ ეს პირველი არჩვნები იყო "ევროპული საქართველოსთვის" და ეს არის არჩევანი, როცა 10 ათასობით ადამიანმა პირველად შემოხაზა რიცხვი 2, მიუხედავად იმისა, რომ პარტია შედგა, მიუხედავად იმისა, რომ პირველ არჩევნებზე პირველი ნაბიჯი გადავდგით წინ, მიუხედავად იმისა, რომ 11 % ავიღეთ, რაც ახალი პარტიისთვის სეიოზული შედგია და მთელ რიგ მუნიციპალიტეტბში ჩვენ ვართ გასული მე-2 ადგილზე "ოცნების" შემდეგ. ჩვენი ამოცანა ნამდვილად არ არის ვიყოთ 11% ან 15 % პარტია, ჩვენი ამოცანაა ვიბრძოლოთ ქვეყანაში დემოკრატიის განვითარებისათვის, ცხოვრების უკეთესობისკენ შეცვლისთვის და იმისთვის, რომ თითოეული ჩვენ მხარდამჭერთან ერთად საპარლამენტო არჩევნებზე შევცვალოთ ხელისუფლება და სახლში გავუშვათ "ქართული ოცნება,,",- განცხადა დავით ბაქრაძემ.