ფოთის მერიასთან საფეხბურთო კლუბ „კოლხეთის“ გულშემატკივრებმა საპროტესტო აქცია გამართეს. აქციის მიზეზი დღეს ქობულეთის „შუქურასა“ და ფოთის „კოლხეთს“ შორის არშემდგარი მატჩი გახდა. აქციის მონაწილეების თქმით, ფოთში სტადიონი რამდენიმე წელია არ ფუნქციონირებს, რის გამოც „კოლხეთს“ თამაშების ჩატარება სხვა ქალაქებში ან არენაზე, რაგბის მოედანზე უწევს.
,„მოვითხოვთ მიხედონ გუნდს. პირველ საათზე იყო თამაში დანიშნული. მივედით მაყურებლები, მაგრამ თამაში ჩაიშალა და უკან გამოგვისტუმრეს. მიზეზად დაგვისახელეს, რომ მინდორი არ იყო მზად. რატომ არ ჩატარდა თამაში, ვინ გადაწყვიტა ეს?! ალბათ ამით ცდილობენ ქობულეთის გუნდს ხელი შეუწყონ. ვითხოვთ ვითარებაში გარკვევას“, - განაცხადა „კოლხეთის“ გულშემატკივარმა, ბაკურ ელიავამ.
ამ საკითხთან დაკავშირებით, ადგილობრივი ხელისუფლება კომენტარზე უარს აცხადებს.
შეგახსენებთ, რომ დღეს, ფოთში, ეროვნული საფეხბურთო ლიგის 31-ე ტურში ფოთის "კოლხეთს" ქობულეთის "შუქურა" სარაგბო სტადიონ "პარკ-არენაზე" უნდა მიეღო. თამაში პირველ საათზე უნდა გამართულიყო, მაგრამ გადაიდო. მიზეზად „პარკი არენას“ გაუმართაობა დასახელდა.