საარჩევნო ორთაბრძოლა სამართლებრივი დავით გრძელდება თიანეთში. თვითმმართველი თემის მერობის ოპოზიციური კანდიდატი სასამართლოს მიმართავს.

თამაზ მეჭიაური საოლქო კომისიის იმ გადაწყვეტილებას ასაჩივრებს, რომლის მიხედვით, ბათილად ცნობილი ხუთი ბიულეტენი ქართული ოცნების კანდიდატის სასარგებლოდ ჩათვალეს. შედეგად, შეიცვალა ცესკო-ს წინასწარი მონაცემი, რომლითაც გუშინ, თითქმის მთელი დღის განმავლობაში მეჭიაური კონკურენტს ერთი ხმით უგებდა. ახლა კი ოთხი ხმით ლელა ქიტესაშვილია დაწინაურებული. 3 081 ხმით მას ხმათა 50.03% აქვს.

მარიამ ცარელაშვილი არკვევდა, როგორ აღმოჩნდა მე-20 უბნის კომისიის მიერ ბათილად მიჩნეული ბიულეტენები საოლქო კომისიაში არაბათილი.