ოქტომბერი 24, 2017
332
თბილისში, ვანის ქუჩაზე სპეცოპერაცია დასრულდა. ადგილზე ნარკოტიკული საშუალებების შენახვისა და გასაღების ბრალდებით ერთი პირი დააკავეს.
ვანის ქუჩაზე რამდენიმე საწარმოა განთავსებული. პირველი არხის ინფორმაციით, დაკავებული სწორედ ერთ-ერთ საწარმოში მუშაობდა. ერთი საათის განმავლობაში ვანის ქუჩაზე სპეციალური დანიშნულების რაზმი, კრიმინალური პოლიცია და გამომძიებლები იმყოფებოდნენ.
დაკავებული წინასწარი დაკავების იზოლატორში გადაიყვანეს. შინაგან საქმეთა სამინისტროს ინფორმაციით, გამოძიება სსკ-ის 260-ე მუხლით დაიწყო, რაც ნარკოტიკული საშუალებების შეძენა-შენახვა-გასაღებას გულისხმობს.
მაჩვენე მეტი