17-წლამდე ფეხბურთელთა შორის ევროპის ჩემპიონატის შესარჩევი ეტაპის მატჩები თბილისში მიხეილ მესხისა და დავით პეტრიაშვილის სახელობის სტადიონებზე გაიმართება.

საქართველოს ნაკრებთან ერთად იტალიის, ლატვიის და მონტენეგროს გუნდები ითამაშებენ.

დავით პეტრიაშვილის სახელობის სტადიონზე სასტარტო იტალიისა და მონტენეგროს გუნდების მატჩია, რომელიც ხვალ 15:00 საათზე დაიწყება. 18:00 საათზე კი მიხეილ მესხის სახელობის სტადიონზე საქართველოს 17 წლამდე ფეხბურთელთა ნაკრები ლატვიის გუნდს უმასპინძლებს.

ნაკრების მთავარი მწვრთნელის გიორგი ნემსაძის გადაწყვეტილებით ევროპის ჩემპიონატის შესარჩევი ტურნირისთვის ეს შემადგენლობა მოემზადა:-

მეკარეები: ლუკა კუტალაძე, ლუკა ხარშილაძე (ორივე – თბილისის დინამო);

მცველები: ცოტნე კაპანაძე (საბურთალო), ირაკლი აზაროვი, ანზორ მექვაბიშვილი (ორივე – დინამო), გიორგი აბზიანიძე (ტორპედო), ზურაბ ბაქრაძე (ლოკომოტივი), ივა გელაშვილი (სპარტა, ჩეხეთი);

ნახევარმცველები: გიორგი ლომთაძე, გიორგი მოისწრაფიშვილი (ორივე – დინამო), გიორგი შალიკაშვილი (სფფ აკადემია), გიორგი გაგუა (იბერია 2010), ცოტნე ჩოთალიშვილი, შოთა ნონიკაშვილი (ორივე – საბურთალო), ლუკა-სებასტიან შვარცი (კარლსრუე, გერმანია), დავით ლორთქიფანიძე (ვალგობია ძანანო, იტალია),

თავდამსხმელები: ზურიკო დავითაშვილი, ელგუჯა ჯანგველაძე, ხვიჩა კვარაცხელია (სამივე -დინამო), გიორგი გულიაშვილი (საბურთალო).

შესარჩევი ციკლის მატჩებზე გულშემატკივართა დასწრება თავისუფალია.