საპროტესტო აქცია ჩილეს დედაქალაქ სანტიაგოში ფიზიკურ დაპირისპირებაში გადაიზარდა. დემონსტრანტები, რომელთა დიდი ნაწილი სტუდენტები იყვნენ, სექსუალურ შევიწროებას აპროტესტებდნენ.

აქციის მთავარი გზავნილი იყო, შევიწროებისა და ძალადობის მსხვერპლმა ქალებმა მოძალადეების წინააღმდეგ ხმა აიმაღლონ.

შეტაკებები აქტივისტების მხრიდან პოლიციისადმი დაუმორჩილებლობამ გამოიწვია. ქალაქის ცენტრში ასობით სტუდენტმა ჩირაღდნები აანთო, რასაც პოლიციის მხრიდან აქციის დაშლისკენ მოწოდება მოჰყვა.

დემონსტრანტებმა სამართალდამცველებზე იერიში ქვებითა და სხადასხვა საგნით მიიტანეს, პოლიციამ კი მათ წინააღმდეგ ცრემლმდენი გაზი და წყლის ჭავლი გამოიყენა.