ტენესის რესპუბლიკელმა სენატორმა ბობ კორკერმა დონალდ ტრამპს „სრულიად არასანდრო პრეზიდენტი“ უწოდა. ამერიკის შეერთებული შტატების პრეზიდენტი კორკერმა ტელეკომპანია CNN-ისთვის მიცემულ ინტერვიუში მწვავედ გააკრიტიკა. მან ტრამპი შეერთებული შტატებისთვის სახიფათო პოლიტიკის გატარებაში დაადანაშაულა.
„დონალდ ტრამპი ცდილობს, ურთიერთობა გააფუჭოს მთელ მსოფლიოსთან და ჩაშალოს ის კავშირები, რაც ამერიკის შეერთებული შტატებისთვის ხელსაყრელია“ - განაცხადა ტენესის შტატის სენატორმა და სენატის საგარეო ურთიერთობების კომიტეტის თავმჯდომარე ბობ კორკერმა.
რესპუბლიკელი სენატორის კრიტიკას ტრამპმა სოციალურ ქსელ Twitter-ში უპასუხა. მისი თქმით, კორკერი სუსტი პოლიტიკოსია და მას ხელმეორედ აღარავინ აირჩევს.
დაპირისპირება ტრამპსა და კორკერს შორის გაზაფხულზე დაიწყო, როცა ბობ კორკერმა მოითხოვა, დონალდ ტრამპისთვის დროებით მობილური ტელეფონი ჩამოერთმიათ იმ მიზნით, რომ მას სოციალურ ქსელში განცხადებები ხშირად აღარ გაევრცელებინა.