საქართველოს სახალხო დამცველის ორგანიზებით, საერთაშორისო კონფერენცია "სამხედრო მოსამსახურეთა სამოქალქო უფლებები, გამოწვევები და პერსპექტივები" გაიმართა.
კონფერენციაზე ადგილობრივმა და უცხოელმა ექსპერტებმა სამხედრო მოსამსახურეთა ასოციაციის და გაერთიანების უფლებების, გამოხატვის თავისუფლებების საკითხები და ამ კუთხით სხვადასხვა ქვეყნების გამოცდილებები განიხილეს.
საქართველოს თავდაცვის სამინისტროს იურიდიული დეპარტამენტის უფროსმა სამინისტროს უფლებადაცვით საქმიანობაზე, მიღწევებსა გამოწვევებზე ისაუბრა.
სახალხო დამცველის პირველმა მოადგილემ კი აპარატის საქმიანობა და თავდაცვის სისტემის მონიტორინგის დროს გამოვლენილი ადამიანის უფლებათა დაცვის მდგომარეობა მიმოიხილა და სამხედრო მოსამსახურეთა უფლებების სრულყოფილი რეალიზებისთვის საჭირო რამდენიმე საკანონმდებლო ცვლილების აუცილებლობაზეც ისაუბრა.