დაკავების შემდეგ გიორგი მამალაძეს დღეს პირველად შეხვდა ბათუმისა და ლაზეთის მიტროპოლიტი, რომელსაც ე.წ. ციანიდის საქმეზე პროკურატურის მიმართ დღემდე არაერთი კითხვა აქვს. სწორედ მეუფე დიმიტრის ეპარქიაში მსახურობდა წლების განმავლობაში დაკავებული დეკანოზი.

მეუფის თქმით, შურისძიების მოტივით განზრახ მკვლელობის მომზადებაში მსჯავრდებული თავს ცუდად გრძნობს და მიიჩნევს, რომ რეზონანსული საქმე საპატრიარქოს და მეუფე დიმიტრის წინააღმდეგ იყო მიმართული.

მიტროპოლიტის თქმით, დღევანდელი შეხვედრის შესახებ პატრიარქი ინფორმირებულია. როგორც მეუფე ამბობს, ილია მეორე გიორგი მამალაძის საქმეზე გაორებულ მდგომარეობაშია.