"საერთაშორისო გამჭვირვალობა - საქართველომ" და "ადამიანის უფლებების სწავლებისა და მონიტორინგის ცენტრმა" საჯარო დისკუსიას გამართეს თემაზე - "რეფორმის პერსპექტივები უსაფრთხოების სექტორში".
დისკუსიის მიზანია, ხელი შეუწყოს 2015 წლის შედეგად შექმნილი ახალი სამართლებრივი მოცემულობის შეფასებას და გამოიყოს ის სფეროები, რომლის დროული რეფორმირების აუცილებლობაზეც ხელისუფლება და სამოქალაქო სექტორის წარმომადგენლები თანხმდებიან.
დისკუსიის განმავლობაში ყურადღება გამახვილდა საპარლამენტო კონტროლის გაზრდაზე და დემოკრატიული კონტროლის მექანიზმების გაძლიერებაზე, სახელმწიფო უსაფრთხოების სამსახურის დამოუკიდებლობის ხარისხის გაზრდაზე, სამსახურის ხელმძღვანელის დანიშვნისა და თანამდებობიდან გათავისუფლების პროცედურის დახვეწაზე, სამსახურის კომპეტენციისა და მანდატის გადახედვაზე.
დისკუსიას პარლამენტის წევრებიც დაესწრნენ.