გერმანიის პრეზიდენტმა მოსკოვსა და ბერლინს დაახლოებისკენ მოუწოდა. ფრანკ ვალტერ შტაინმაიერმა იმედი გამოთქვა რომ რუსეთ-გერმანიის ურთიერთობების შემდგომი გაუარესების შეჩერება მოხერხდება. გერმანიის პრეზიდენტმა ეს განცხადება მოსკოვში ვიზიტისას გააკეთა, სადაც შტაინმაიერი რუს კოლეგასა და საბჭოთა კავშირის ყოფილ ლიდერ მიხაილ გორბაჩოვს შეხვდა.
„კვლავინდებურად დარწმუნებული ვარ, რომ ჩვენს ქვეყნებს შორის, ბოლო პერიოდში წამოქმნილი გაუცხოების აღმოფხვრა შესაძლებელია" - განაცხადა შტაინმაიერმა რუსეთის დედაქალაქში სტუმრობისას.
გერმანიის პრეზიდენტი უკანასკნელი შვიდი წლის განმავლობაში რუსეთში პირველად ჩავიდა. ეს არ იყო სახელმწიფო ვიზიტი, შტაინმაიერის მოსკოვში ჩასვლის მიზეზად მოციქულების პეტრსა და პავლეს სახელობის ტაძრის ევანგელისტურ-ლუთერანული ეკლესიისთვის გადაცემა დასახელდა.