ხმაურის ფონზე მიმდინარეობს საჩივრების განხილვა ქუთაისის 59-ე საოლქო საარჩევნო კომისიაში. ლეიბორისტული პარტიის მერობის ყოფილი კანდიდატი მისი წარმომადგენლის მიერ დაწერილი საჩივრის დაკმაყოფილებას ითხოვს.

სამსონ გუგავას თქმით, 87-ე უბანზე კომისიის ერთ-ერთმა წევრმა პროპორციული სიის ორი ზედმეტი ბიულეტენი გასცა, შესწორების ოქმი კი მეორე დღეს დაიწერა.

ლეიბორისტული პარტია უბნის შედეგების ბათილად გამოცხადებას ითხოვს. კომისიის თავმჯდომარე განმარტავს, რომ ფაქტზე ახსნა-განმარტება მომხდარიდან რამდენიმე წუთში დაიწერა და შესწორების ოქმის მეორე დღეს შედგენა დარღვევა არ არის.

კომისიამ საჩივარი არ დააკმაყოფილა. სულ 40 საჩივარი შევიდა საოლქოში, ბოლო სხდომაზე კომისიამ 18 საჩივარი განიხილა.