ე.წ. მატროსოვის ციხეში "ციანიდის საქმეზე" მსჯავრდებული დეკანოზი გიორგი მამალაძე ადვოკატებმა მოინახულეს. როგორც ადვოკატმა, გიორგი ფანცულააიამ განაცხადა, უახლოეს პერიოდში დეკანოზის საქმეზე სააპელაციო სასამართლოში სხდომა ჩაინიშნება და სწორედ ამ საკითხების გავლის მიზნით მოინახულეს ადვოკატებმა მსჯავრდებული.
"პერიოდულად შევდივართ, რათა გავიგოთ, ხომ არ ხდება დეკანოზის უფლებების დარღვევა, რადგან იყო შემთხვევები, როცა მას არ მისცეს სატელეფონო საუბრის უფლება. ამასთან, მისი ჯანმრთელობის მდგომარეობა უარესდება ხოლმე, ახლაც არ არის დამაკმაყოფილებელი. ასევე, ველოდებით უახლოეს მომავალში სააპელაციოში დაინიშნება სხდომა და ჩვენ დღეს გავიარეთ სააპელაციოში სამართლებრივი ბრძოლის დეტალები, უნდა დაიგეგმოს ის ამოცანები, რითიც ვაპირებთ ბრძოლას გამართლებისთვის",- აღნიშნა ფანცულაიამ.