ინდონეზიაში, პიროტექნიკის ქარხანაში მომხდარი აფეთქებების შედეგად დაღუპულთა რიცხვი 47-მდე გაიზარდა. ამის შესახებ ადგილობრივ მედიას პოლიციამ განუცხადა.

ჯაკარტის მახლობლად, ქალაქ ტანგერანგში მდებარე საწარმოში ხანძარი ადგილობრივი დროით დილის 09:00 საათზე გაჩნდა. ცეცხლმა შენობის ნაწილი მთლიანად გაანადგურა და აფეთქებები გამოიწვია. დაშავებულია 45-მდე ადამიანი. სულ ინციდენტის დროს საწარმოში 103 მუშა იმყოფებოდა.

ჯერჯერობით დაუდგენელია, რამ გამოიწვია ხანძარი.