რუსეთის მთავრობა Twitter-ის გადაწყვეტილებას აუცილებლად უპასუხებს - ეს განცხადება ქვეყნის საგარეო საქმეთა სამინისტროს სპეციალურმა წარმომადგენელმა მარია ზახაროვამ გააკეთა.

რამდენიმე საათის წინ, Twitter-მა RT-სა და Sputnik-ის ანგარიშებიდან რეკლამის განთავსება აკრძალა. Twitter-ში განმარტავენ, რომ ამ ამ გადწყვეტილებას საფუძვლად ედო ამერიკის შეერთებული შტატების დაზვერვის სამსახურის დასკვნა, რომელშიც 2016 წლის ამერიკის საპრეზიდენტო არჩევნებში ამ ორი მედიასაშუალების შესაძლო ჩარევაზეა საუბარი.

Twitter - ის განცხადებაში წერია, რომ აკრძალვა ძალაში დაუყონებლივ შევა.

Twitter - ის გადაწყვეტილებით, RT-სა და Sputnik-ის რეკლამებით გამომუშავებული თანხა გადაერიცხება კვლევას, რომელიც არჩევნებთან მიმართებაში სოციალური ქსელების დეზინფორმაციის გავრცელებისთვის გამოყენებას იკვლევს.