ენერგეტიკის მინისტრი ილია ელოშვილი ლენტეხისა და ცაგერის მუნიციპალიტეტების სკოლების უფროსკლასელებს შეხვდა. ილია ელოშვილმა მოსწავლეებს „საქართველოს სახელმწიფო ელექტროსისტემის“ ეროვნულ სადისპეჩერო ცენტრში უმასპინძლა და ქვეყნის ენერგეტიკული განვითარების მნიშვნელობაზე ესაუბრა.

ელოშვილის განმარტებით, ენერგეტიკული მდგრადობა ქვეყნის ეკონიმიკის სიძლიერისათვის ერთ-ერთ ძირითად ფაქტორს წარმოადგენს. როგორც მინისტრმა განმარტა, ახალგაზრდებისთვის ინფორმაციის მიწოდება და ენერგეტიკის სფეროთი დაინტერესება ერთ-ერთი მნიშვნელოვანი პრიორიტეტია ენერგეტიკის სამინისტროსთვის.