"ლეიბორისტული პარტია" სასამართლოს გადაწყვეტილებას ელოდება. ოპოზიციური პარტია ისნის 38-ე უბანზე ხმების ხელახლა დათვლას და საოლქო საარჩევნო კომისიის თავმჯდომარის პასუხისგებაში მიცემას ითხოვს.

იურისტის განცხადებით, არჩევნების დღეს შრომის პარტიის წარმომადგენელმა გაყალბების ფაქტი დააფიქსირა, რის შემდეგაც ის უბნიდან უკანონოდ გააძევეს. მოპასუხე მხარე კი აცხადებს, რომ კანონდარღვევას ადგილი არ ჰქონია და ხმების გადათვლის საჭიროებას ვერ ხედავს.

იმ შემთხვევაში თუ პირველი ინსტანცია "ლეიბორისტების" სარჩელს არ დააკმაყოფილებს, პარტია სამართლებრივი ბრძოლის გაგრძელებას გეგმავს. საქალაქო სასამართლოს გადაწყვეტილება, სავარაუდოდ, დღეს გახდება ცნობილი.