პარლამენტის შენობასთან, სადაც ნუცუბიძის ფერდობზე მომხდარ შემთხვევას აპროტესტებდნენ, გვიან ღამით, აქციის ერთ-ერთი მონაწილე დააკავეს.
მიხეილ კაჭკაჭიშვილის სასამართლო პროცესი დღეს გაიმართება. უფლებადამცველთა ასოციაციის თანადამფუძნებელი თბილისის მთავარ სამმართველოში გუშინ ადვოკატმა მოინახულა. ირმა ჭკადუას თქმით, ბრალდებულს ფიზიკური დაზიანებები არ აღენიშნება.
გამოძიება 166-ე მუხლით მიმდინარეობს, რაც წვრილმან ხულიგნობას გულისხმობს. აქციაზე სიტუაცია მას შემდეგ დაიძაბა, რაც მონაწილეებმა რუსთაველის გამზირის გადაკეტვა სცადეს.
დემონსტრანტები ნუცუბიძის ფერდობზე 2 დღის წინ მომხდარი ინციდენტის გამოძიებას ითხოვენ. აქციის მონაწილეები მიიჩნევენ, რომ საპატრულო ეკიპაჟმა უფლებამოსილებას გადაამეტა. უფლებადამცველები საპროტესტო აქციის გამართვას დღეს პროკურატურასთან გეგმავენ.