სამართლებრივი დავა დასრულდა, თამაზ მეჭიაური თიანეთის არჩეული მერია.
თბილისის სააპელაციო სასამართლომ ძალაში დატოვა მცხეთის რაიონული სასამართლოს გადაწყვეტილება, რომლის მიხედვით თვითმმართველი თემის საოლქო კომისიის განკარგულებები გაუქმდა. საუბარია იმ განკარგულებებზე, რომლითაც გაბათილებული ხუთი ბიულეტენი ,,ქართული ოცნების” კანდიდატის სასარგებლოდ მიიჩნიეს და შედეგად ლელა ქიტესაშვილი გამარჯვებულად გამოცხადდა.
წინა ინსტანციის გადაწყვეტილებას მმართველი პარტიის მერობის კანდიდატთან ერთად ,,ქართული ოცნება”, თიანეთის მე-19 ოლქი და ორგანიზაცია ,,დემოკრატიულ ინიციატივათა საერთაშორისო ცენტრიც” ასაჩივრებდნენ. არასამათავრობო ორგანიზაცია მე-20 უბანზე არჩევნების თავიდან ჩატარებას მოითხოვდა, დანარჩენი სამი მოსარჩელის მოთხოვნა კი საოლქო კომისიის მიერ გამოცემული განკარგულებების აღდგენა იყო.