ბეისბოლის მატჩი საქართველო-კანადას შორის დიპლომატიური ურთიერთობების საიუბილეო თარიღს მიეძღვნა. წელს, საქართველოსა და კანადას შორის დიპლომატიური ურთიერთობების დამყარებიდან 25 წელი გავიდა.
ამხანაგური მატჩი დღეს ნუცუბიძის პლატოზე მდებარე სტადიონზე გაიმართა - ერთმანეთს დაუპირისპირდა საქართველოს ბეისბოლისტთა ორი ნაკრები - ეროვნული და ახალგაზრდული.
„ჩვენ ამ ღონისძიებას მოსამზადებელი ეტაპის ფარგლებში განვიხილავთ, რადგან მალე ევროპაში სანაკრებო და საკლუბო შესარჩევი თამაშები დაიწყება. ჩვენ კი რამდენიმე წლის წინ ევროპის ჩემპიონები ვიყავით და გვსურს, რომ საქართველოში ბეისბოლი ავაღორძინოთ" - ამბობს საქართველოს ბეისბოლის ფედერაციის გენერალური მდივანი გოგა დათუნაშვილი.
საქართველო-კანადას შორის დიპლომატიური ურთიერთობების საიუბილეო თარიღთან დაკავშირებით გამართული ღონისძიებების ფარგლებში, 16 სექტემბერს ყაზბეგის რაიონის ალპურ ზონაში მდებარე მყინვარზე "მყინვარწვერი" 11-კაციანი ექსპედიცია გაემგზავრა.