დათო ბოლქვაძის ტრაგიკული დაღუპვიდან 25 წელი გავიდა. 1993 წლის 28 ოქტომბერს, ხობის რაიონული ცენტრის მოედანზე, სამოქალაქო დაპირისპირების დროს, ჟურნალისტი დათო ბოლქვაძე და რამდენიმე ახალგაზრდა დახვრიტეს.

დათო ბოლქვაძის საფლავზე დღეს მისი ოჯახის წევრები, მეგობრები და კოლეგები შეიკრიბნენ.

დათო ბოლქვაძე 1987 წლიდან სახელმწიფო ტელევიზიაში მუშაობდა, დაღუპვამდე ცოტა ხნით ადრე მეორე არხის საინფორმაციო რედაქციის მთავარ რეჟისორად დაინიშნა. მივლინებული იყო სამოქალაქო ომის გასაშუქებლად დასავლეთ საქართველოში.

1993 წლის 28 ოქტომბერს ის ქართულ-აფხაზური შეიარაღებული კონფლიქტის დროს დაიღუპა.