გარემოსა და ბუნებრივი რესურსების დაცვის მინისტრის მოადგილემ მედიის წარმომადგენლებს პრომეთეს მღვიმეში უმასპინძლა. ვიზიტორთა ცენტრში საგამოფენო სივრცეც მოეწყო. ინფოტური დაცული ტერიტორიების სააგენტოს ინიციატივით გაიმართა.

დღეიდან ვიზიტორები იმერეთის მღვიმეების შესახებ დამატებითი ინფორმაციის მიღებას ინტერაქციულ რეჟიმში შეძლებენ. მედიის წარმომადგენლებს დაცული ტერიტორიების სააგენტოს მიმდინარე და დაგეგმილი პროექტები და 9 თვის ვიზიტორთა სტატისტიკა გააცნეს.

2017 წელს საქართველოს დაცულ ტერიტორიებს რეკორდული რაოდენობის ტურისტი ეწვია. ვიზიტორთა რაოდენობა, წინა წელთან შედარებით, 33%-ით გაიზარდა და 856 186 შეადგინა.