საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ავსტრიის ეროვნული დღისადმი მიძღვნილ ღონისძიებაში მიიღო მონაწილეობა.
საგარეო უწყების ხელმძღვანელმა სიტყვით გამოსვლისას ავსტრიასა და ავსტრიელ ხალხს საზეიმო თარიღი მიულოცა და მშვიდობა, სტაბილურობა და კეთილდღეობა უსურვა.
მიხეილ ჯანელიძემ ავსტრიულ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე ქვეყნის ევროპული ინტეგრაციის მტკიცე მხარდაჭერისთვის.
მინისტრმა ასევე ხაზი გაუსვა ავსტრიის მხრიდან გაწეულ ძალისხმევას, რომელიც კონფლიქტის მშვიდობიანი დარეგულირების პროცესისკენ არის მიმართული.
„საქართველოსა და ავსტრიას ერთმანეთთან აკავშირებს საერთო ღირებულებები, ინტერესები და მიზნები, რაც მომავალში უკეთესს შედეგებს მოგვცემს როგორც ორმხრივ ურთიერთობებში, ასევე რეგიონულ და სხვა მრავალმხრივ ფორმატებში თანამშრომლობის კუთხით“ - განაცხადა მიხეილ ჯანელიძემ.