მომავალი კვირიდან პარლამენტი ისევ საკონსტიტუციო ცვლილებებზე მუშაობას უბრუნდება. საკანონდებლო ორგანოში ცვლილებების ინიცირება უნდა მოხდეს. საუბარია იმ პუნქტებზე, რომლებიც ახლად მიღებულ კონსტიტუციაში უნდა აისახოს, მათ შორის გაუნაწილებელი მანდატების ბონუს სისტემის სრულად გაუქმებაზე და 2020 წლის საპარლამენტო არჩევნებისთვის ერთჯერადად საარჩევნო ბლოკების დაშვებაზე. ამ ცვლილებების შეტანა უზენაესი კანონის ახალ პროექტში მმართველმა უმრავლესობამ ვენეციის კომისიის რეკომენდაციების საფუძველზე მიიღო, თუმცა გადაწყვეტილება მაშინ მიიღეს, როცა ახალი კონსტიტუციის პროექტს 2 მოსმენა უკვე გავლილი ჰქონდა. შესაბამისად ამ ცვლილებების ინიცირება ახლა ცალკე მოხდება.