ოქტომბერი 29, 2017
185
მთავარი პროკურატურა 25 ოქტომბერს ნუცუბიძის პლატოზე მომხდარ ტრაგიკულ შემთხვევას იძიებს. უწყება 34 წლის პავლე პავლიაშვილის გარდაცვალების დროს, ადგილზე მყოფი საპატრულო პოლიციის თანამშრომლების სამხრე კამერების ჩანაწერებს სწავლობს. თუმცა, როგორც პროკურატურის ინფორმაციიდან ირკვევა, ჩანაწერი მხოლოდ ერთია და მასზე დაღუპულის დაკავების მომენტი აღბეჭდილი არ არის.
ამოღებულია საპატრულო ეკიპაჟის ავტომობილის და შემთხვევის ადგილზე არსებული ერთადერთი კამერის ჩანაწერიც.
ვიდეოფირები ექსპერტიზაზეა გადაგზავნილი, თუმცა რა ინფორმაცია შეიძლება მიიღოს გამოძიებამ, ამ ეტაპზე გაუგებარია.
როგორც პროკურატურაში აცხადებენ, ახალგაზრდა მამაკაცის დაკავების მომენტი არც ამ ჩანაწერებში ფიქსირდება.
მაჩვენე მეტი