საქართველოს მთავარ პროკურატურასთან არასამთავრობო ორგანიზაცია „ახალგაზრდა ეროვნულმა ალიანსმა" ნუცუბიძის პლატოზე გარდაცვლილ პაატა პავლიაშვილის საქმეზე, პატრულის სამხრე კამერების გადაღებული კადრების გასაჯაროების მოთხოვნით აქცია გამართეს.
როგორც ორგანიზაციის თავმჯდომარე და უფლებადამცველმა გიორგი გაბედავამ განაცხადა, „კარგი იქნებოდა შინაგან საქმეთა მინისტრს პავლიაშვილის ოჯახისთვის ბოდიში მოეხადა“.
„ჩვენი ერთადერთი მოთხოვნაა, შეწყდეს „კა-გე-ბე“-ს მეთოდების გამოყენება მოქალაქეების წინააღმდეგ. პავლიაშვილის შემთხვევაში, ორი წუთის გარდაცვლილ ადამიანზე გაავრცელეს კადრები, სადაც საუბრობდნენ, რომ თითქოს გარდაცვლილი იყო ტაბლეტების მომხმარებელი და იყო ცუდი ადამიანი.
რაც შეეხება პატრულის შემთხვევას, თვითონ პატრულის უფლებებსაც არღვევს შსს, იმიტომ რომ ხელის დაფარება ართულებს სიტუაციას, ყველა პოლიციელის და პატრულის წინააღმდეგ იწვევს აგრესიას.
ვითხოვთ პროკურატურისგან, გაასაჯაროოს პატრულის სამხრე კამერებით გადაღებული კადრები.
როცა დავრეკე პროკურატურაში, მითხრეს 3 დღეში გასაჯაროვდება, საუბარი მქონდა პროკრატურის ცხელ ხაზთან.
არ ვამბობ, რომ ეს არის რობაქიძის ან გირგვლიანის მსგავსი საქმე, თუმცა ჩვენ თუ ამაზე თვალს დავხუჭავთ, აუცილებლად მივიღებთ იგივე სიტუაციას. იქ იყო ძალადობა - აქ არის გაუფრთხილებლობა.
შეიძლებოდა მღებრიშვილს გამოეჩინა ვაჟკაცობა და პატრულთან ერთად მისულიყო გარდაცვლილის ოჯახში, მოეხადა ბოდიში.
ჩემი ინფორმაციით, ამ ინციდენტში მონაწილე პატრული ძალიან განიცდის მომხდარს", -განაცხადა გაბედავამ.