აფხაზეთის დეფაქტო რეჟიმის ყოფილი წარმომადგენელი რუსეთის უდიდესი მუზეუმის ხელმძღვანელობისგან განმარტებებს მოითხოვს.
ე.წ. ყოფილი საგარეო საქმეთა მინისტრი ამჯერად პრეტენზიას ერმიტაჟში, ბიზანტიური ვერცხლის საგამოფენო სივრცეში დაცულ რამდენიმე ექსპონატზე აცხადებს.
ყოფილი დეფაქტო მინისტრი დარწმუნებულია, რომ პირველი, მე-2 და მე-6 საუკუნეების დროინდელი არტეფაქტები სანქტ-პეტერბურგში კონტრაბანდული გზით მოხვდა.
ვიაჩესლავ ჩირიკბას განცხადება ახალი ამბავი არ არის ოფიციალური თბილისისთვის, რომელიც შავი არქეოლოგიის გახშირებულ შემთხვევებზე საუბრობს და ამ პროცესში რუსეთის სახელმწიფოს ხელშეწყობის კვალსაც ხედავს.
საქართველოს ოკუპირებული რეგიონიდან ერმიტაჟში მოხვედრილი ექსპონატების შესახებ თბილისი საერთაშორისო ორგანიზაციების ინფორმირებას გეგმავს.