2017 წლის 30 ოქტომბერი ისტორიული თარიღია საქართველოსთვის, აზერბაიჯანისთვის და თურქეთისთვის. 10 წლის წინ დაწყებული მასშტაბური პროექტი სრულდება. ბაქო-თბილისი-ყარსის სარკინიგზო მაგისტრალი დღეს აზერბაიჯანის დედაქალაქში საზეიმო ვითარებაში გაიხსნა. ახლადგახსნილ მაგისტრალზე პირველი მატარებლის მგზავრები პროექტში ჩართული ქვეყნების ლიდერები იყვნენ.

ქართული მხარე სტრატეგიული პროექტიდან დამატებით ეკონომიკურ სარგებელს და ტვირთბრუნვის გაზრდილ მაჩვენებელს ელის.

ახალი სარკინიგზო ხაზით სატვირთო გადაზიდვები აქტიურად 2018 წლიდან დაიწყება.

პროექტს უკვე უწოდეს ევროპის და აზიის დამაკავშირებელი ახალი ხიდი.