საქველმოქმედო ფონდი “ცხოვრება მშვენიერია” ხვალ 8 საათზე თბილისის დიდ საკონცერტო დარბაზში “ბერი ანდრიას ფონდის” სოლიდური სიმსივნით დაავადებული ბავშვების დასახმარებლად საქველმოქმედო კონცერტს გამართავს.
ღონისძიებაზე შემოსული თანხა სარეაბილიტაციო ცენტრის, “ბედნიერი სახლის” მშენებლობას მოხმარდება, სადაც სიმსივნით დაავადებულები და მათი ოჯახის წევრები სამედიცინო და ფსიქოლოგიური სახის დახმარებას სრულიად უფასოდ მიიღებენ. სარეაბილიტაციო სახლი ერთდროულად 20 ბავშვსა და მშობელს 24 საათიან რეჟიმში მოემსახურება. ასევე იმუშავებს დღის ცენტრი, სადაც 50 ბავშვი და მათი მშობლები დღის განმავლობაში საჭირო სერვისით ისარგებლებენ.
კონცერტში მონაწილეობას მიიღებენ საქართველოს სახელმწიფო ანსამბლი “სუხიშვილები”, შვიდკაცა და ჯგუფი გუფი ლანდი.