მიხეილ სააკაშვილის ბრალდების საქმეზე (ე.წ. პიჯაკების საქმე), სადაც პროკურატურა ექს-პრეზიდენტს დიდი ოდენობით საბიუჯეტო თანხების გაფლანგვას ედავება, წერილობით მტკიცებულებებს გამოიკვლევენ.

120 გვერდიან სარევიზიო აქტ-მტკიცებულებას პროკურატურა რამდნიმე სხდომის განმავლობაში გამოიკვლევს.

საქმის პროკურორის მტკიცებით, დოკუმენტით დასტურდება, რომ პრეზიდენტის სარეზერვო ფონდიდან, სააკაშვილმა 2009-2013 წლებში ცხრა მილიონამდე ლარი საკუთარი მიზნებისთვის მოიხმარა. გიორგი მუჯირის განმარტებით, პრეზიდენტის სარეზერვო ფონდიდან თანხა სახელმწიფო დაცვის სპეციალური სამსახურის საიდუმლო ანგარიშზე ირიცხებოდა.

დაცვის მხარე კი საპირისპიროს ამტკიცების. დავით კაკოიშვილის განმარტებით, პრეზიდენტს აქვს უფლება, რომ სარეზერვო ფონდიდან თანხა საკუთარი შეხედულებით დახარჯოს. ადვოკატის თქმით, სააკაშვილი თანხებს ოფიციალური ვიზიტებისა და სხვადასხვა ოფიციალური ღონისძიებებისათვის ხარჯავდა.

საქართველოს ყოფილ პრეზიდენტს გამოძიება 182-მუხლის მესამე ნაწილით გათვალისწინებულ დანაშაულს - საბიუჯეტი სახსრების დიდი ოდენობით გაფლანგვას ედავება. საქმეში ბრალდებულის სტატუსი აქვს სააკაშვილის დაცვის ყოფილ უფროსს თეიმურაზ ჯანაშიას, პროკურატურა მასაც თანხების გაფლანგვას ედავება.

სასამართლო სხდომა საქმეზე 2014 წლიდან მიმდინარეობს.